Qisu lbieraħ meta kważi għaxar snin ilu ltqajna għall-ewwel darba. Minn dakinhar, nibtet iż-żerriegħa tal-imħabba, bdiet tiffjorixxi u se naqtgħu l-frott minnha biż-żwieġ tagħna. Issa wasal iż-żmien li nsarrfu l-imħabba f’wegħda dejjiema, li nkunu ta’ spalla għal xulxin. Matul dawn is-snin għarafna l-valuri identiċi li nħaddnu: tal-imħabba, ir-rispett u l-passjoni lejn il-ħajja.

​

 

Fl-aħħar tliet snin, ħejjejna ruħna għal din il-ġurnata speċjali u qegħdin nistednukom tkunu parti minnha. Ħerqanin immens biex nibdew kapitlu ġdid bħala miżżewġin flimkien mal-familjari u l-ħbieb għeżież. Grati għall-imħabba tagħkom u s-sapport li dejjem sibna meta kien meħtieġ. Inħarsu ‘l quddiem għal aktar memorji flimkien u nittamaw li bi pjaċir tilqgħu l-istedina biex tkunu parti mill-istorja ta’ mħabbitna.

 

“Dan il-mument kemm stennejnieh, It-tnejn flimkien ħdimna għalih, Għalkemm forsi diġà taf, Imħabbitna għal xulxin hija bla tarf!”